الشاعر الكويتي: حامد زيد | قصيدة - السفينة | النسخة الأصلية France

قصيدة السفينة : الشاعر حامد زيد ضاقت وساع الفيافي والوعد متن السفينه للطريق اللي دعاني بعد أمان الله وأمانه لا تناديني وصوني قلبك الله لا يهينه لا يراهن في رجوعي لجل ما يخسر رهانه ليه ما أرحل عن غرامك بعد ماذقت الغبينه أذكريلي شي واحد يستحق أقعد عشانه قلب ماحن لوصالي ماني بحاجة حنينه وأشهد أنه مايعزر بالرفيع إلا هوانه الهوى الغدار حد الله ما بيني وبينه والرجل لا خير فيه إن ما حفظ قدره وصانه واحدٍ مثلي ليا من حدته عوجا سنينه ما شكى لقرب ابن آدم لو هو أقرب من أخوانه يوم قلبي ما عصاك وما قدرتي تذبحينه ليه خنتِ فيه وأنتِ معه من نفس الديانه كان ذبحي بيدك أرحملي من اللي تفعلينه وأن طلبتك تذبحيني ماذبحتيني لعانه كل جرحٍ من جروحي تذكرينه .. تنكرينه كن مالك في نزيفه (يد) خانت بالأمانه ينزف الخافق تواضع لين لطختي جبينه وإلا أنا ما كنت أبيها توصل لحد الأهانه قلت من باب الميانه صاحبك وتعذبينه لعنبوك ارخي معاي أشوي ما صارت ميانه طعت عقلك يوم قيل إن العقل للبنت زينه لكن الشرهة علي اللي كنت أحسب إنك تكانه من بعد ماكنتي أنتِ في حشاي أغلى سجينه بوعدك بطلق سراحك وأتهميني بالأدانه وين رايح..؟ لأي دربٍ مايرجع للمدينه ليه رايح..؟ لأن قلبك ما ترك قلبي وشانه كيف أبنسى؟ ربي اللي ملهم القلب السكينه مثل ماعانه بقربك لا نوى فرقاك عانه كان قاسي يجرح أطراف السكاكين السنينه ما يطيح وبنتٍ مثلك حبّها هزّت كيانه وإلا أنا خابر خفوقي ما يمد إلا الثمينه وإن بغى يغيض الثريا قعد القمرى وزانه مزعلٍ لجلك هنوفٍ رجت عقول رزينه وإن تهادت بالطريق الجرهدي تزهر جنانه جادلٍ كن الجمال قبالها كتف يدينه والقمر لو شاورت له ينزح وتقعد مكانه كانت أول من تحكم في فروع الياسمينه وأن تعدتهن تثنن خيزرانة .. خيزرانه بعتها لجلك وصارت لأصغر أطرافك رهينه وألا هي لفتة هدبها تغمرك ثقل ورزانه والخفوق اللي تغذّى من معزّة والدينه مشكلته إنه تعلّق في زمن ما هو زمانه كل ما زادت جراحه واكتشف غلطة ضنينه صدقيه أن قال مابه شخص يستاهل حنانه يوم نادى يا فلانة مارضيتي تسمعينه لين صوت يافلانة، يافلانة، يافلانه كنت أشوفك زعفرانة تقرض الورد وتدينه يمكن أني ما قطفتك بس أشوفك زعفرانه كنت أهاب البعد عنك وأطلبك لا تذكرينه كان خوف من الفراق وخطوت الفرقا جبانه وما قتنعت أن الخيانه للرجل تلوي يمينه لين ماربي بعثك وذقت من طعم الخيانه اسمحيلي..مابقى فيني مكانٍ تطعنينه وأقبلي من جوف قلبي كل عطفه وأمتنانه والله الله في عذابك بتركك عينك بعينه دلليه ولايرده عن شقاك إلا لسانه وإلا أنا قررت أسافر وأمتطي ظهر السفينه لأن مابه شي واحد يستحق أقعد عشانه

Category